ഇന്ത്യയിലെ ആറാമത്തെ മാൾ തുറക്കാൻ ലുലു ഗ്രൂപ്പ്; ഒരുങ്ങുന്നത് വമ്പൻ നിക്ഷേപങ്ങൾ
കൊച്ചി: മലയാളി വ്യവസായി എം.എ യൂസഫലിയുടെ നേതൃത്വത്തിലുള്ള ലുലു ഗ്രൂപ്പിന്റെ, ഇന്ത്യയിലെ ആറാമത്തെ മാൾ ഈ ആഴ്ച തുറക്കും. ഹൈദരാബാദിൽ സെപ്റ്റംബര് 27 നാണ് ലുലു മാള് ആരംഭിക്കുന്നത്. രണ്ട് ലക്ഷം സ്ക്വയര്ഫീറ്റിലാണ് ഹൈദരാബാദ് ലുലുവിലെ ഹൈപ്പര് മാര്ക്കറ്റ് ഒരുങ്ങുന്നത്. രാജ്യത്ത് ലുലു ഗ്രൂപ്പ് വ്യാപിക്കുന്നതിന്റെ ഭാഗമായി നിരവധി ഹൈപ്പർമാർക്കറ്റുകളാണ് ആരംഭിക്കുന്നത്. ഇന്ത്യയിലെ ഏറ്റവും വലിയ രണ്ട് മാളുകൾ ആരംഭിക്കുന്നതിനായി കൊച്ചിയിൽ 1,600 കോടി രൂപയും ലഖ്നൗവിൽ 2,000 കോടി രൂപയും ലുലു ഗ്രൂപ്പ് നിക്ഷേപിച്ചതായാണ് റിപ്പോർട്ട്. അതേസമയം തമിഴ്നാട് സർക്കാരുമായുള്ള ധാരണാപത്രത്തിന്റെ ഭാഗമായി ലുലു ഗ്രൂപ്പിന്റെ ആദ്യ ഷോപ്പിംഗ് മാൾ ചെന്നൈയിൽ 2024-ൽ ആരംഭിക്കും. ഹൈദരാബാദ് നഗരത്തിലെ ഏറ്റവും വലിയ ഷോപ്പിംഗ് കേന്ദ്രങ്ങളിൽ ഒന്നായിരിക്കും ഈ ആഴ്ച ആരംഭിക്കുന്ന ലുലു മാൾ. കുക്കട്ട്പള്ളിയില് സ്ഥിതി ചെയ്യുന്ന മാളില് ഹൈപ്പര്മാര്ക്കറ്റും ലുലു ഫാഷന് സ്റ്റോര്, ലുലു കണക്ട് എന്നിവയും ഒപ്പം പ്രാദേശിക, അന്തര്ദേശീയ ബ്രാന്ഡുകളുടെ ഷോറൂമുകളുമുണ്ടാകും. 5 സ്ക്രീൻ മൾട്ടിപ്ലക്സാണ് ഇവിടെയുള്ളത്. ഫുഡ് കോര്ട്ട്, പ്ലേ ഏരിയ എന